Mabilis naman niyang naintindihan ang ibig nitong sabihin. "Oo Mateo, sorry."
Tinitigan lang siya nito ng masama pagkatapos ay pinaandar na nito ang wheelchair na kinasasakyan nito.
"Kaya mo iyan, Luisa," kausap niya sa sarili pagkatapos ay bumuntong-hininga ng malalim at ngumiti bago tuluyang puntahan ang anak niya. Hinihiram kasi ng pamilya ni Mateo si Thor para roon muna magbakasyon ng isang linggo. Mabilis naman siyang sumang-ayon para kahit papaano ay malibang ito dahil naaawa siya sa anak kapag naririnig nito ang lagi nilang pagtatalong dalawa ni Mateo.
"Mama, hindi po talaga kayo sasama sa akin?" tanong nito habang sakay na sila ng taxi.
"Anak, kawawa naman ang papa mo kung aalis ako. Big boy ka na, hindi ba?" ngiti niya.
"Okay po mama, sabihin niyo lang po sa akin kapag inaway
