KUNG gaano kabilis kumalat ang false rumors na pinagkalat ni Marga ay ganoon din kabilis nawala iyon dahil sa utos ni Francis sa HR Manager na tatanggalin nito lahat ng empleyado kung may magsasalita tungkol sa kanya o kung magpag-uusapan iyon sa loob ng kompanya. Mukhang takot ang mga ito na matanggal sa trabaho dahil sa isang iglap ay hindi na muling napag-usapan iyon.
At gaya ng sinabi ni Francis, natanggal na nga sa trabaho si Maine at si Marga. Nilabag ng dalawa ang company rules at bilang parusa at para hindi pamarisan nang iba ay pinatawan ang mga ito ng kaukulan na parusa. At iyon nga ay ang termination.
Si Jason naman ay hindi lang tinanggal, kinasuhan din at ngayon ay kasalukuyan ng nakakulong. Patong-patong din ang kasong isinampa dito dahil matapos ang nangyari ay lumitaw at
