"PARA kanino iyang isa, Victoria?"
Nagulat si Victoria nang marinig niya ang boses na iyon ni Danielle mula sa likod niya.
"Oh, nagulat ba kita?" tanong nito ng lingunin niya ito sa kanyang likod.
"Oo," pag-amin niya sa totoong nararamdaman.
"Sorry," paghingi nito ng paunmanhin nang makita nito na nagulat siya.
"Okay lang," sagot niya kay Danielle. Pagkatapos niyon ay bumaba ang tingin nito sa ginagawa niya kanina. "Para kanino iyang isa?" tanong nito habang nakatitig ito sa lunchbox na nilalagyan niya ng ulam na niluto niya.
Saglit naman niyang kinagat ang ibabang labi. "P-para kay S-sir Francis," sagot niya sa babae. Napansin niya ang pagtaas ng isa nitong kilay. Agad naman niyang in-explain ang side niya. "Naparami din kasi ang niluto ko. At...para hindi na siya bumili sa cafet
