"COME IN."
NANG marinig ni Victoria ang baritonong boses na iyon ni Francis ay pinihit na niya ang seradura pabukas at pumasok siya sa loob ng opisina nito.
Nakita niyang tutok na tutok ang atensiyon nito sa harap ng computer nito.
"Sir, iyong kape niyo po," wika niya.
Nag-angat naman ito ng tingin patungo sa kanya. Napansin niya ang pagbaba ng tingin nito sa hawak niyang baso na naglalaman ng mainit na kape. Tumawag kasi ito kanina para utusan siyang ipagtimpla ito ng kape. "Careful," wika nito sa baritonong boses. Pinagdikit ni Victoria ang ibabang labi ng maramdaman niya na parang may mainit na kamay na humaplos sa puso niya.
Humakbang naman siya palapit dito. At saka niya maingat na inilapag ang hawak sa ibabaw ng executive table nito. Hindi nga din nga din niya napigilan ang
