"AYOS ka lang?"
Napatingin si Victoria sa kaibigang si Yngrid ng marinig niya ang tanong nito sa kanya.
Humugot naman siya ng malalim na buntong-hininga bago siya tumango. "Okay lang ako, Yngrid," sagot niya kahit na may pag-alala siyang nararamdaman.
At dahil matalik na kaibigan at kilala siya ni Yngird ay mukhang hindi ito naniwala sa naging sagot niya dahil hinawakan siya nito sa balikat. "Huwag kang masyadong mag-alala para kay Callum dahil babalik iyon. Narinig mo naman ang sinabi ng asawa ni Kuya Jun, may mga pagkakataon daw na natatagalan ang asawa nito kapag luluwas ito ng Manila. Baka ito iyong sinasabi niya na pagkakataon na iyon," pagpapalakas ng loob ni Yngrid sa kanya.
Kagagaling lang kasi nilang dalawa sa bahay ni Kuya Jun. Nagpasama siya kay Yngrid na pumunta do'n pa
