GAYA na lang ng unang araw ni Victoria sa trabaho ay inihatid ulit siya ni Manong Lito--ang family driver ng pamilya De Asis. At habang nasa daan sila ay tinatandaan niyang mabuti ang bawat dinadaanan nila. At kapag kabisado na niya ay hindi na siya nito kailangan ihatid at sunduin sa trabaho. Baka kasi kung ano ang isipin ng pamilya De Asis sa kanya. Baka isipin ng mga ito na inaabuso niya ang kabaitan ni Danielle sa kanya, baka isipin ng mga ito na opurtunista siya. Ayaw naman niyang pag-isipan siya ng masama ng pamilya nina Francis sa kanya.
Hindi naman nagtagal ay nakarating na din sila sa De Asis Empire. At akmang bababa si Manong Lito sa sasakyan para pagbuksan siya ng pinto ng mapatigil ito ng pigilan niya ito. "Huwag na po kayong bumaba, Manong Lito," pigil naman niya dito. "Ako
