"Tantan!" Isang malakas na sigaw ang pumukaw sa atensyon namin nang kami'y makababa sa sasakyan. Maya-maya pa'y may babae na tumatakbo palabas ng gate, mabilis itong sumalubong ng yakap kay Nathan.
"Nicnic." Malambing na saad niya sa babae at tumugon sa mahigpit na yakap nito. Kasabay noon ay ginawaran niya ito ng halik sa noo na tila isa itong kayamanan na kaniyang pinaka-iingat ingatan.
Just looking at that sight slightly moved my heart.
Nang magkalas sila ay saka lamang ako nagkaroon ng pagkakataon na makita nang malinaw ang mukha ng babae. Makikita ang pagkakahawig ng mga mata at ilong nila ni Nathan kaya't nahuhulaan ko na agad na magkapatid ang dalawa. Isa pa, nabalita na rin sa telebisyon ang nalalapit na kasal nito kaya't pamilyar na rin sa akin ang kaniyang muk
