Kanina pa siya gising pero si Clarisse ay mahimbing pa rin na natutulog hanggang ngayon—pinagod niya kasi ito kagabi.
Hanggang ngayon ay hindi pa rin siya makapaniwala na pag-aari na niya ang babae.
Ang isip, puso at katawan nito ay pag-aari na niya ngayon kaya may karapatan na siyang ipagkait ito kanino man.
Ang mga kaibigan niya ay siguradong nagtataka na ngayon dahil bigla siyang nawala kagabi.
Magiging doble pa ang pagtataka ng mga ito kapag nakita sila nito ni Clarisse na magkasama sa iisang kuwarto.
Napatitig siya sa mukha ni Clarisse nang gumalaw ito. Mayamaya pa ay umangat ang isa nitong kamay at dinala iyon sa batok niya.
"Nicholai, nagugutom na ako," wika nito habang nakapikit. "Hindi ko kayang tumayo. P'wede bang bilhan mo ako ng pagkain at pain reliever? Gusto kong m
