INABOT LAMANG NG limang oras ang pagkabit ng mga salamin sa rooftop ng bahay ni Tan. Nagpadagdag pa kasi ng ilan pang tauhan si Tan dahil ang sabi ng foreman ay hindi daw iyon matatapos ngayong araw kung kaunti lang ang gagawa.
Eksaktong alas-nuwebe ng gabi nang matapos ang mga ito, pinagmasdan niya ang buong rooftop. Ngayon ay hindi na siya mag-aalala pa kapag uulan doon.
"Tan, hindi ka pa tapos diyan? Kanina pa ako dito at naghihintay na kausapin mo, ah," nakasimangot na wika ni Thad.
Nilingon niya ito at inirapan. "Ano bang gusto mong pag-usapan natin? SInabi ko na sa'yo na bukas din ay ibibigay ko sa'yo ang pera mo."
"No, it's not about the money. It's about Dion, paano mo siyang nakilala? At ang sabi pa ni Ricar ay parang galit na galit sa'yo ang tao."
Huminga siya ng malalim at
