NANG LINGUNIN ni Ei ang nagsalitang babae ay agad siya nitong nginitian.
"Good afternoon, po," magalang niyang bati dito.
"Magandang hapon din sa'yo, hija. Ako pala si Nanay Laura, ang taga-pag-alaga ni Emily." Nakangiting inilahad nito ang kamay sa kanya na agad niya namang tinanggap kahit na nahihirapan siya dahil karga niya si Emily.
"Let's go inside, ipapakilala kita sa parents ko," wika ni Tan at kinuha mula sa kanya si Emily.
Kinakabahan man ay nagawa niya pa ring tumango. Hindi niya talaga akalain na ipapakilala agad siya ni Tan sa pamilya nito. Kahapon lang ay itinutulak niya ito palayo sa kanya tapos ngayon ito na siya, papasok sa loob ng magara at napakalaking mansiyon ni Tan.
Palihim siyang huminga ng malalim at wala sa sariling Tan.
"Relax, honey, mababait ang parents ko.
