"BABALIK ka, ha?" Nangingiti pang kumaway si Vivianne dahil mukhang ayaw pa siyang pauwiin ng ama ni Dirk pero wala rin namang ibang magagawa lalo pa at may klase pa siya kinabukasan.
"'Wag po kayong mag-alala, dadalasan ko po rito." Binalingan niya si Deric pagtapos ay nginitian para magpaalam, wala doon si Terron dahil nasa bahay din daw nila kasama ang asawa niya.
"Kapag pasaway si Terron, pagsabihan mo lang Ma'am. Makikinig naman po 'yun," napatawa siyang muli ng pahayag noon. Hindi naman pasaway ang bata, mas kinawiwilihan lang talaga ang paglalaro.
Ilang minuto pa ay nasa loob na siya ng sasakyan ni Dirk, tahimik lang at wala ni isa ang gustong umiimik. Hindi niya inasahan na iyon akg magiging rason ng binata sa biglaang pagkawala nito noon.
Pagkatapos maideklara ng ama nito an
