“MAAGA ka po ba aalis, Miss Yiesha?” biglang litaw na wika ni Criza sa gilid niya sabay patong ng mga braso nito sa parang barrier sa desk nito.
“Yes. I have something important to do,” tugon ni Yiesha nang lingunin niya si Criza sabay ngiti rito.
“Ahh…” usal niya habang tumango-tango at naglalakbay naman ang kaniyang tingin sa kasalukuyang ginagawa nito.
Napansin niya na napapadalas ang maagang pag-alis ng boss niya kaya hindi niya maiwasang magtanong sa kaniyang isipan kung saan ito pumupunta. Pero napaisip siya, kung saan man pumupunta ang kaniyang boss ay labas na siya sa personal nitong buhay at hindi niya na ito kailangang malaman pa.
Nagmasid lamang si Criza kay Yiesha habang nililigpit nito ang kaniyang kagamitan sa desk. Hinablot na nito ang kaniyang bag sabay tayo. Napaayos
