"Hindi mo naman kailangang ibalik pa itong mga sapatos na 'to sa akin," sabi sa akin nitong lalaking nasa harapan ko ngayon. Pero no'ng tignan ko siya sa mukha ay hindi ko man lang ito makilala, para bang nanlalabo ang mga mata ko. Sinubukan kong igala ang paningin ko sa paligid at dito ko nakita ang isang babae na nakatayo ngayon malapit sa akin, sa suot nito ay masasabi kong isa siyang maid. Maayos ang suot at para bang nagtatrabaho ito sa napakayamang pamilya, nadako ang tingin ko sa bitbit nitong kahon. Rectangle shape ito at kulay gold, sa loob nito ay may isang pares ng sneakers, puti na may light blue ang kulay ng mga ito.
Hindi ko maintindihan kung bakit parang unti-unti nang nanlalabo ang mga mata ko, nagiging blurry na ang paligid at hindi ko na rin gaanong marinig ang mga tunog
