ANG HINDI INAASAHANG PANAUHIN
***
Inabot na kami ng takip-silim sa paglalayag pabalik sa banwa kaya naman madilim na nung tahakin namin ang daan sa gubat pauwi. May bitbit na parang sulo ang dalawang lalaking uripon na siyang nagsisilbing tanglaw namin sa daan. Habang ang dalawang babaeng uripon naman ay bitbit ang mga gamit na pinamili nila para sa kanilang mga amo.
Si Ginoong bandi ay bitbit ang isang maliit na banga ng alak na binili rin niya kanina at cute itong tignan dahil kasing-laki lang ito ng isang palayok.
Samantalang si Liway naman ay bitbit ang mga nakatuping damit na ginamit kong pagtaguan ng isang punyal na nabili ko kanina gamit ang suot kong pares ng gintong hikaw. Nung una ay tutol si Liway sa pagbili ko sa punyal pero napilit ko rin siya nung sabihin kong ituring nal
