“WHAT time do you want me to pick you up?”
Muntik nang mapatili si Cheryl nang biglang may bumulong sa tainga niya. Marahas siyang napalingon at ang nakangiting mukha ni Anton ang kanyang nabungaran. He looked gorgeous, as usual.
“What are you doing here?” tanong niya sa halip na sagutin ang tanong nito. Nasa lobby siya ng building ng VA Corporation at hinihintay ang driver na maihanda ang sasakyan. May lalakarin pa siya. Naroon siya para sa isang meeting ng members ng board at para na rin maibigay ang isang mahalagang dokumento kay Jhoy.
“I have a meeting with Jhoy,” kaswal na tugon ni Anton.
“Go ahead then,” aniya sa pormal na tinig.
Mula nang huling beses siya nitong inihatid pauwi ay sinikap na niyang iwasan si Anton. Pinaglalabanan niya ang matinding kagustuhan niya na makita at
