"SALAMAT po, Ma'am Valerie."
Kumunot ang noo ko sa sinabi sa akin ng isang staff. Mas lalong bumakas ang pagkagulo sa akin dahil habang mas naglalakad ako sa paligid ng set ay mas dumadami ang nagpapasalamat sa akin.
Tanging nahihiyang ngiti ang naitugon ko sa kanila at dumeretso na lang sa tent ko. 'Di nagtagal ay sumunod na sa akin si Hershey.
"Hershey," tawag ko sa atensiyon niya. Mabilis na na-alerto ang assistant ko.
"Yes, Val? May kailangan ka?"
Umiling ako. "May itatanong lang sana ako. Bakit pinapasalamatan ako ng mga staff? Wala naman akong ginawa."
Nang marinig ang tanong ko ay natawa siya. Mas lalo akong naguluhan at nakuryoso sa nangyayari sa paligid ko. Base sa reaksiyon ng assistant ko ay may alam siya sa nangyayari.
"Ma'am Valerie?"
Nawala ang atensiyon ko kay Hershe
