"IT'S been two days, and they are still there?" hindi ko makapaniwalang sabi.
Tumango si Hershey. "Yes, Val. Ganoon sila kadesperadong ma-interview ka. Ang dami tuloy nagrereklamo na mga nakatira dito sa condo."
Umiling-iling ako. "Mas magugulo lang ang lahat kapag nagpa-interview ako sa kanila. Isa pa, naglabas na tayo ng statement pero 'di pa rin sila tumitigil. Ibig sabihin lang ay wala silang pakialam sa side ko. Gusto lang nila ako ibalita."
Napabuntong hininga siya. "Gano'n na nga."
Nawalan ako ng imik at napaisip. May lakad ako ngayon dahil sa wakas ay nakausap na ni Penelope ang kaibigan niya. Ngayong araw ito nakikipagkita sa amin.
"Kausapin mo ang security. Kailangan kong makalabas sa condo ngayong araw," utos ko kay Hershey na mabilis niyang tinanguan.
"Ako na ang bahala,
