"I'M SORRY, Val. Hindi kita mapupuntahan ngayon diyan sa penthouse mo."
Tila bumagsak ang balikat ko sa narinig na sinabi ni Hershey sa kabilang linya.
"I will be very busy today. Tambak ang pinapagawa sa akin ni Ma'am Grace, at dahil pa rin 'yon sa isyu mo. Kahit siya ay magiging abala dahil aasikasuhin niya ang mga proyekto mong maho-hold muna pansamantala," dagdag niya pa.
Hindi ko na napigilan ang magbuntong hininga sa narinig. Ang aga-aga ay puro problema agad ang sumasalubong sa akin. Ilang araw nang nagiging ganito ang bawat araw ko.
"Hayaan mo na, kaya ko naman ang mag-isa," tanging nasabi ko.
Sa totoo lang ay nalulungkot ako dahil hindi makakapunta si Hershey ngayon sa penthouse ko, pero wala akong magagawa. Iintindihin ko na lang na marami siyang gagawin, hindi lang ang pags
