"NAGHAPUNAN ka na ba?"
Nag-alis ako ng atensiyon sa hawak kong phone at tinatamad na nagbaling ng tingin kay Hershey. Dahil buong araw na naging abala ang personal assistant ko ay ngayong gabi niya lang nagawang puntahan ako sa penthouse ko.
"Yes," maikli kong sagot.
Napatango-tango siya. "Dumaan lang ako para i-check ka. Aalis din agad ako."
Tumango na lang ako sa narinig.
"Nga pala, bukas ay ipaggo-grocery kita nang magkaroon ka rito ng stock ng pagkain. Para naman hindi mo na kailanganing lumabas ng penthouse mo kung magutom ka. Ako na rin ang bahalang bumili ng iba mo pang kakailanganin dito."
"Thanks, Hershey."
"O siya, aalis na ako. Gusto ko na rin ang magpahinga."
Tumayo na ako mula sa kinauupuan para ihatid si Hershey sa pintuan. Nang tuluyan siyang makaalis ay nagtungo na
