"VAL."
Naibalik ako sa sarili nang marinig ang pamilyar na boses ni Hershey. May pagkagulo sa akin nang pukulin siya ng tingin habang ang mukha naman niya ay mababakasan ng pagtataka.
"What?" tanong ko at mas nagkasalubong ang kilay. Hindi siya nagpatalo. Kumunot ang noo niya.
"You were spacing out. Ayos ka lang ba?"
Napakurap-kurap ako sa narinig at marahan na tumango. "Don't mind me. I was just thinking..."
Humalukipkip siya sa harapan ko at bumuntong hininga. "Alam kong puro problema ka ngayon dahil sa isyu mo, kaya naiintindihan kita kung ganyan ka. Pero sana ay huwag mong kakalimutang nandito lang ako at si Ma'am Grace. Hindi ka namin pababayaan."
Lumambot ang ekspresiyon ko sa mukha nang dahil sa narinig. Marahan akong ngumiti sa kanya.
"Thanks, Hershey." Bumalik ako sa pagig
