WALA akong nagawa kundi pagmasdan siya mula kung nasaan ako. Iniisip kong baka nagkakamali lang ako o namamalikmata lang, pero habang patagal nang patagal ang pagtitig ko sa kanya ay mas lalo ko lang siya nakikilala.
Tila naibalik lang ako sa sarili nang makitang naglalakad na siya patungong exit. Kusa na lang gumalaw ang mga paa ko para sundan siya.
Magdedere-deretso na sana ako sa exit nang makitang nakalabas na siya ngunit hinarang ako ng security guard ng convenience store. Doon ko lang naalalang hindi ko pa nababayaran ang mga pinamili ko. Kaya sa huli ay wala akong nagawa kundi ang magbayad muna sa counter.
Nang makalabas sa wakas ay nagpalinga-linga ako sa paligid, sinusubukang hanapin kung saang direksiyon siya maaaring nagpunta. Pero ni anino niya ay wala akong nakita. In the e
