"Umalis na kayo, hindi kayo ang ina ko." Hindi alam ni Lanie ang magiging reaksyon sa mga narinig. Ito na yata ang mga salitang hindi niya kayang tanggapin sa buong buhay niya — ang pagtatakwil ni Wesley sa kanya bilang ina.
"Pero, anak. Ako ang iyong ina," pagpupumilit niya.
"Hindi ako ang anak ninyo," ani Wesley. Ni hindi nito magawang tingnan sa mga mata si Lanie. Kung sabagay, hindi nga naman siya si Wesley sapagkat ang nasa katawang iyon ay si Matthew.
"Pero, Wesley--"
"Umalis na kayo." Biglang paglapit ni Melinda kay Lanie at hinawakan ito sa braso. Naging matalim ang tingin nila sa isa't isa. Wari'y may pinag-aagawang bagay sa mga titig na iyon.
"Wala kang karapatang angkinin ang ana
