"Teka... hindi ba may sasabihin ka sa akin dapat kanina?" kumabog ang dibdib ni Jacob sa narinig mula sa kaibigan. Hindi naman niya alam ang sasabihin. Kakaibang kaba ang naramdaman niya dahil sa mga salitang iyon. Napaisip siya sa isasagot dahil parang nanghina ang kalooban niya. Marahil ay hindi handa sa isasasgot ng kaibigan sa oras na tanggihan siya nito.
"Ha? Wala! Wala yon,"maang nito.
Hindi niya magawang makatitig kay Natasha. Mabilis nitong iniwasan ang mga tingin niya na para bang binabasa ang nasa isip nito.
"Sigurado ka?" tanong ni Natasha.
Saglit na tiningnan ni Natasha si Jacob. "Oo nga, wala 'yon!"
"Relax... tinatanong lang naman kita eh. Nagagalit ka kaagad," pang-aasar ni Natasha habang
