"Tingnan mo nga naman, buhay ka pa pala?"
Bumungad kay Matthew ang mga salitang iyon nang makapasok siya sa banyo ng mga lalaki. Mayabang ang hakbang nito habang papalapit sa kanya. Ngumunguya pa ng chewing gum ang gago. Akala mo nama'y napakaatig nitong tingnan sa suot niyang polo na nakabukas lahat ng butones. May hitsura naman siya pero parang hindi papasa sa mga babae dahil sa ayos ng kanyang buhok. Rumehistro sa alaala ni Matthew ni Wesley ang mukhang iyon.
'Mark'
Tamang-tamang nag-iisa itong pumasok sa banyo. Tanging sila lang dalawa sa loob kaya malakas ang loob nitong buyuhin ang kaklase na lingid sa kanyang kaalaman ay hindi ito ang totoong si Wesley.
"Anong kailangan mo sa akin?"
