“This is a load of bull! Akala ko desidido at professional ang mga babae sa agency na iyon ng mga babymaker. Akala ko ba walang aberya sa agency na iyan?” frustrated na angil ni Vance nang puntahan siya ni Deutsch sa opisina niya kinabukasan.
Pabalik-balik siya ng lakad sa carpeted na sahig. Di na siya magtataka kung numipis na ang carpet na nilalakaran niya. He was frustrated as hell. Hindi siya sanay na hindi natutupad ang mga plano niya. Not something as vital as this one. Pakiramdam niya ay isa siyang bulkang sasabog anumang oras. Gusto na talaga niyang magwala. Bakit napakamalas niya?
Nagsalin ng whiskey si Deutsch sa decanter. “Wala tayong magagawa. Nagbayad pa nga ng multa si Evarlita sa agency. Mukhang may generous siyang donor. Too generous if you’ll ask me. Anong charitable in
