(An epic failed moment)
NAKANGITING sinalubong ni Lorcan si Arwa nang makita niya ang kanyang sasakyan. Maaga siyang gumising dahil alam niyang dadaanan siya nito upang sabay na silang pumunta ng opisina na pag-aari ng mga Lacson.
Hindi niya ininda ang maraming bote ng alak na nainom niya kagabi kasama ng mga kaibigan dahil mas nangingibabaw ang pananabik niya na muling makasama ang babaeng hindi nagpatulog sa kanya sa buong magdamag. Mas matindi pa ang tama niya kay Arwa kaysa sa mga boteng nilaklak niya. Siniguro niyang malinis at mabango siya dahil baka maamoy nito ang alak sa katawan niya.
“Good morning, beautiful.” Nang magtama ang mga mata nila ay bigla na namang kumalabog ang puso niyang naging tahimik ng halos tatlong taon.
“Good morning,” matabang na tugon ni Arwa. “Ikaw na b
