(Bros forever)
“CONGRATULATIONS!” sabay-sabay na bati nila kay Braxton. Buntis na rin pala ang asawa nitong si Chrisia kaya pala nanlibre ng napakaraming pagkain at inumin. Nagawa pang magdala nito ng alak na kinuha nina Wolf at Justice sa sasakyan na dala nito.
“Akalain mong halos sabay na nagbuntis sina Karen at Chrisia,” naiiling na wika ni Justice. “Para talaga kayong kambal ni Wolf, Braxton.”
“Kumusta naman kaya ang isa riyan na hindi pa nga kasal pero may anak na. Sino ang mas malupit?” Nakataas ang dalawang kamay na sabi ni Wolf. “See? Sa tingin ko may itinatago ang mahal nating kaibigan. Iba talaga ang mood niya kanina pa, e.”
Nagsimula na naman si Lorcan asarin ng mga kaibigan niyang walang puso. Sinakyan niya na nga ang trip ng mga ito kanina para hindi naman masyadong halat
