Kinuha niya iyong remote control ng tv sa harapan namin tapos may pinindot lang siya doon at maya maya at may lumabas na sa screen. Kumunot iyong noo ko ng makilala ko iyong babae na nasa monitor na may hawak ng tubo at baseball bat. Pamilyar din sa akin iyong bahay. Lalo akong lumapit sa may monitor para masigurado ko na si Daisy nga iyon.
"Bahay yan ni Mac." Sabi ko kay Emperor.
Isinenyan lang ulit nito sa akin iyong monitor. Nilagyan pa nga iyon ng sounds ni Emperor. Mukang kuha iyon sa may Cctv sa village namin.
Napangiwi ako ng makita ko kung paanong isa isang hinampas ni Daisy ng tubo iyong mga ilaw sa poste ng bahay ni Macario. Iyong isang side ay nag block out dahil pinalo nito malamang iyong cctv ng bahay ni Macario. Napakamot ako sa noo ko.
Nanlaki pa iyong mga mata ko ng mak
