NAKAMIT NGA ni Thunder ang kalayaan at naging tahimik ang kaniyang buhay-- kapalit ang buhay ni Angela subalit hindi niya maiwasang malungkot dahil hindi naman kasama ang kaniyang anak at maging si Angela.
Ngunit sa pagbabagong buhay ay may kaunting ginhawa at saya dahil nagbalik na rin siya sa trabaho nang hindi na kailangang magtago pa sa batas. Iba ang pakiramdam ng pagiging malaya. Subalit, 'yung pakiramdam na walang mag-ina o asawang sasalubong sa'yong pag-uwi ng bahay ay palagi siyang binabalot ng kalungkutan.
"Bakit ba kasi hindi ka na lang ulit mag-stay in sa club, Thunder?" Iyon ang katanungan sa kaniya ni Rein.
"P'wede naman sana, Rein. Ang kaso ay gusto kong masanay nang mag-isa. Alam mo 'yun, iba lang ang pakiramdam kapag kasama ko kayo o ang ibang tao at iba lang din kapag
