ANONG SAYA ang naramdaman ni Thunder nang malamang iisang pagkatao lang pala ang kaniyang minahal. Pero ilang araw lang ang lumipas, matapos niyang malaman ang buong katotohanan ay lalo naman lumala ang kaniyang sakit-- na lalong nagpahirap sa bawat araw na kapiling si Angela.
"Hindi ko rin po alam kung paano nangyari 'yon, doc, last week naman ay sinunod naming bilihin ang lahat nang nireseta mong gamot," ang sabi niya nang samahan niya muling magpa-check up si Thunder.
"Kung ganoon ay hindi dapat tayo makampante, misis," wika ni Dr. Fred Agustin.
"Ano pong dapat nating gawin bukod sa home medication niya?"
"Kailangan lang nating mas taasan ang dosage ng gamot na dapat niyang inumin to relieve more the pain. At kung madalang ang progress ng kaniyang pagtayo ng sarili ay dapat mas mad
