(Hesiod's POV)
Mataas ang sikat ng araw ngayon. Kasalakuyan akong nakaupo sa damuhan ng Shimumura park. Sa ingay ng mga estudyanteng masayang nagkwekwentuhan ay ang katahimikang bumabalot sa amin ng matalik kong kaibigang si Jared. Batid kong hindi nagbago ang lahat sa paligid ko. Ang pagbabago ay sumentro sa buhay ko at sa akin mismo. Sariwa pa rin sa akin ang sakit na dinulot ng pagkawala ng taong mahal ko, isang taon na ata ang lumipas. Kung kaya ko lang itapon lahat ng nararamdaman ko, ginawa ko na.
"Oi, bespren.." si Jared. Napatingin naman ako sa kanya. "Nakaresearch ka na ng irereport mo mamaya?"
"Oo" ang simple kong tugon sabay balik ng tingin sa hawak-hawak kong libro. Narinig ko ang pagbuntong-hininga niya. Alam kong apektado na siya sa mga maling epekto ng pagbabago sa akin.
