CHAPTER 50
ANDREA POV
HILIK ni Atasha ang nagpabalik sa katinuan ko. Naalala ko na naman si Gabriel ang mga sandaling magkasama kami sa burol at hindi ko pa rin magawang putulin ang ugnayan ng nakaraan na mayroon kaming dalawa-- tila kahapon lang halos ang lahat. Muling nabaling ang tingin ko kay Atasha naisip ko kung alam lang siguro ni Gabriel ang lahat ng tungkol sa kaniya, alam kong labis itong matutuwa lalo pa't lumaking bibo ito at matalino ang anak namin.
"Gising ka na pala," bungad sa akin ni Pablo, nang buksan nito ang pinto at walang paalam na pumasok sa silid ko.
"Ano'ng balita? Kailan daw ako makakalabas?" agad kong tanong sa kaniya ng makalapit na ito sa tabi ko. Tinapunan ko ng tingin ang dala-dala nitong isang supot ng plastik na may lamang iba't ibang klase ng prutas
