Gabriel POV
HINDI ko nilapitan ang asawa ko kanina. Bagkus ay pinanood ko s'ya sa pakikipag-usap sa lalakeng kasama n'ya. Ramdam ko may mali. Lamang ay hindi ko alam kung ano 'yon. Ang hirap tukuyin. Galit ang asawa ko kahit nag-uusap lamang sila. Hindi nagtagal at humakbang na ito palayo at iniwan ang lalakeng kausap n'ya.
Lumigid ako at sinundan s'ya .Bumili lang s'ya ng inumin at pinanood ang mga tumutugtog. Pagkaraan ng ilang minuto ay lumapit ako sa kanya. Patay malisya lamang ako at hindi ko binanggit ang nakita ko kanina.
"Kanina ka pa ba d'yan?" Wari ko ay nagulat pa s'ya ng makita ako.
"Ngayon lang. Saan ka ba nagsusuot?" Dala ko pa rin ang palamig na binili ko kanina at sinisimsim.
Napakamot ito sa leeg n'ya at halatang balisa. Palingon lingon na para bang natatakot na may
