Nakita ko sa mga mata ni Tan. Ang sobrang galit nito kay Zach. Para itong papatay ng tao. Nang mga oras na ito.
"Bossing Tan. Nakapasok na si Fuentebella rito sa loob!" muling sigaw ng isang tauhan ni Tan.
"Mga tanga kayo! Salubungin ninyo ng bala ang animal na iyon!" sigaw muli ni Tan. At halos lumabas ang litid nito sa lalamunan dahil sa malakas na sigaw nito.
Pagkatapos ay tumingin sa akin si Tan. "Mahal ko, aalis muna ako. At pupuksain ko lang ang mga dagang pumasok sa teritoryo ko. At sisiguraduhin kong ililibing ko sila ng buhay. Para naman maging maligaya na ako sa piling mo aking mahal," anas ni Tan. At pakiwari ko'y lalo itong nababaliw.
Ako naman ay labis na natakot. Sobrang lakas ng kabog ng aking dibdib. Parang tinatambol ito. Isabay pa ang panginginig ng aking mga tuhod. P
