Naglalakad ako papuntang resort na may bitbit na lunch box para sa asawa ko. Ipinagluto ko siya ng pork kaldereta. Sana ay magustuhan niya.
Nagkaroon kami ng tampuhan kaninang umaga dahil wala ako sa mood. Hindi kami nakapag usap ng maayos dahil wala na siyang oras. Kailangan na siya sa trabaho kaya sinabi niya na mag uusap kami mamaya pag uwi niya.
Hindi ko alam sa sarili ko pero ngayon ko lamang napansin na madalas na ang pagiging mainitin ko ng ulo. Siguro ay nabobored lamang ako sa bahay at naiinip sa update ni Naomi sa aming business kaya napagdidiskitahan ko ang asawa ko. Kaya nagluto na lang ako upang makabawi ako sa kanya.
Nakangiti akong sinalubong si Mang Jim, ang guard na nakaduty ngayon sa entrance ng resort.
“Good afternoon, Ma’am!” maligaya niyang bati sa akin.
Napa
