Maski sa loob ng bakuran ng mga De Asis ay hindi na tumungtong pa si Yael. Pinapapasok naman daw siya ni Kuya Roger na siyang security guard nina Rizza pero mas pinili nito na sa labas na lang ako hintayin.
"Inez, mag-ingat kayo sa biyahe. Lalo na ikaw. Paglabas niyo ng gate nitong Subdivision. May mga bus naman na dumadaan kaya hindi na kayo maglalakad pa masiyado," sabi nito sa akin. Iyong luggage bag ko na siya ang may buhat galing sa bahay ay maingat niyang ipinasa kay Yael.
"Hi," I said; half-smiling.
"Halika na?" I nodded. Doon sa kanang kamay ni Yael ang luggage bag, yung kaliwa naman ay kamay ko ang hawak niya.
Ilang minuto rin ang layo ng bahay nina Rizza mula sa gate. Hindi naman ganoon karami ang laman ng luggage bag ko kaya dire-diretso pa rin kaming nakalabas ng subdiv
