Narinig ni Ariadne ang malalim na pagbuntong-hininga ni Marcus habang nakatitig sa kanya. Nakatira siya pansamantala sa maliit na bahay ng lalaki sa may gitna ng siyudad. Wala siyang ibang mapuntahan dahil parehong wala si Tere at Dara sa apartment na tinitirahan ng mga ito. Tiyempo na lang na nang tawagan niya si Marcus ay papauwi pa lamang ito galing sa trabaho nito sa Lockhart Enterprises kaya naman nasundo siya nito kaagad. Nang makarating sa bahay nito ay tsaka niya pinakawalan ang mga luhang pinigil-pigil niya habang nasa biyahe. Tahimik lamang siyang niyakap ng kanyang Kuya Marcus hanggang sa wala nang mailabas pang sakit ang kanyang mga mata. Tatlong araw na rin siyang naroroon, kung hindi siya nagkakamali.
“Ariadne, kumain ka muna,” mahinang sabi nito bago hinaplos ang kanyang ba
