Mabibigat ang mga yabag na ginawa ni Damon papasok sa French resto na kanyang pinanggalingan. Nagdidilim ang kanyang paningin at hindi niya mapigilan ang panginginig ng kanyang kalamnan sa galit. Dahil lang ba sa nagmahal siya ng hindi nila kapareho ng antas ng pamumuhay ay kailangan na pahirapan siya nang ganito ng kanyang ina? Kailangan ba talaga na pang-habang-buhay siyang magdusa dahil lang taliwas sa gusto nito ang kanyang mga gagawin? Kailangan ba na turuan niya ang puso niya kung sino ang mamahalin, kung sino ang makakasama, kung sino at hahanap-hanapin? Hindi pa ba sapat ang lahat ng mga pinagdaanan nila para lang mapatunayan sa kanyang ina na wala siyang ibang mahal kung hindi si Ariadne?
Pabalya niyang isinara ang pinto ng VIP room na kinaroroonan ng kanyang ina at si Coleen. Sh
