Nang magmulat ng mga mata si Ariadne ay wala na si Damon sa tabi niya. Pupungas-pungas niyang kinuha ang kanyang sleeping robe at itinapis iyon sa katawan niya bagaman nakasuot na siya ng isang manipis na berdeng loungewear. Magkatabi silang natulog kaninang hapon habang kung anu-anong mga matatamis na salita ang ibinubulong nito sa tainga niya.Hindi niya namalayan na tuluyan na siyang hinatak ng antok hanggang sa pagdilat niya ay madilim na sa lugar at ang tangi na lamang ilaw na nakikita niya ay ang sinag ng buwan at ang liwanag na nagmumula sa mga lampost sa may pantalan. Mahangin noong gabing iyon at hindi masyadong mainit kaya naman nang lumabas siya sa tinutuluyan nila ay kaagad niyang niyakap ang kanyang sarili upang pigilan ang hangin sa paglalaro sa kanyang buhok at roba.
She squ
