“Welcome to Maldives, my angel,” bulong ni Damon sa tainga ni Ariadne habang nakatanaw sila sa isla na unting-unting lumalaki sa paningin niya. Nakasakay sila sa pampribadong seaplane ng lalaki na siyang magdadala sa kanila sa naturang isla at siyang mag-uuwi rin sa kanila. Naramdaman niya ang init ng palad nito habang nakahawak sa beywang niya nang unti-unting lumapit ang maliit na eroplano patungo sa naturang pamosong resort sa Maldives kung saan sila mamamalagi sa loob ng isang linggo. Nakatayo iyon sa isa sa mga islang sakop ng archipelagong bumubuo roon at tiyak niya na maganda rin ang presyo ng mga cottage roon. Nang silipin niya mula sa bintana ay halos humalik na ang kanilang sinasakyan sa tubig dahil sa baba ng lipad niyon. Nang lingunin niya si Damon ay ngumiti lang ito at hinagk
