Nang magising si Ariadne noong sumunod na umaga, wala na si Damon.
Ang tanging bakas na tanda na naroroon ang lalaki noong nakaraang gabi ay ang magulong kama. At ang engagement ring na kanyang hinubad na nakapatong pa rin sa ibabaw niyon. Maliban roon, wala nang iba pa. Parang panaginip lamang ang lahat kay Ariadne. Isang masamang panaginip.
Ngunit ang bigat ng kanyang dibdib at ang hindi maubos-ubos na pagtulo ng kanyang mga luha simula noong iniwanan niya ito sa loob ng silid na iyon ang nagsasabi na totoo ang lahat. Na pinutol niya ang engagement nilang dalawa kagabi. Na pinili niya na layuan muna ang lalaki habang... ganito ang lahat.
Siguro nga ay napakaipokrita niya. Bakit nga ba siya humihingi ng pabor na buksan nito ang puso at isipan nito sa kanya sa tuwing may problema it
