Maaga siyang nagising noong umagang iyon kaya napagdesisyunan ni Damon na umuwi na sa X. Bago umibis ay sandali muna siyang naupo sa gilid ng kama kung saan nakahiga si Ariadne at mahimbing na natutulog. Pinagmasdan niya ito. Hinayaan ang kanyang mga mata na magsawa sa mala-anghel na mukha nito. Maingat niyang hinaplos ang pisngi ng dalaga bago masuyong ngumiti. She was the only thing that he was afraid to lose. Noong napagdesisyunan nito noong isang gabi na putulin ang engagement nila ay halos kulang na lang ay maaksidente siya sa bilis ng kanyang pagpapatakbo ng motorsiklo. Wala siya sa huwisyo noon. Halos buong araw lang siyang tulala kaya naman kinagabihan ay kaagad siyang bumalik sa tinutuluyan nitong bahay para lang masilayan ito. Para lang makita nito na para sa kanya, hindi magtata
