PAGE 42
I might
*******
SINALUBONG AKO ni Nana Yoling sa may gate ng bahay ni Sir Marcus. Gabi na at medyo maulan sa labas. Pinapunta kasi ako ni Sir Marcus. Bukas pa naman ang plano kong leave na pinayagan niya. Sana hindi maulan bukas.
"O, nandito ka na pala. Kumain ka na ba, hija?" Nakangiting bungad sa akin ni Nana Yoling.
Ngumiti ako at umiling. "Tapos na po. Kamusta po?"
"Mabuti naman hija."
"Si Sir po?" Tumingin ako sa kabahayan.
"Nasa kusina. Puntahan mo na siya at aalis muna ako."
"Aalis po kayo?" Nagulat ako sa narinig at napatitig. Iiwan niya ba ako kasama si Sir?
Napailing naman ako.
"Oo. Sandali lang naman ako. May kailangan lang akong bilhin sa labas. Sige na at puntahan mo na si Marcus."
Tumango ako at sinundan pa ng tingin si Nana Yoling ng palabas na ito ng bah
