Chapter 32
SHOCK. Iyon lang ang naging reaksiyon ni Ayesha nang sa wakas ay magkaharap sila ng babaeng nagpanggap na siya. Si Clarissa, high school classmate niya na ngayon ay kapitbahay niya sa Manila.
Matalim ang mga mata nang pasulyap-sulyap na si Lola Nacing sa unwelcomed visitor. “Nagpupumilit ang babaeng ito na siya raw ang asawa ni Joe. May ipinakita pang mga litrato na ikinasal daw sila. Nang hanapan naman namin siya ng ID, iba ang pangalan niya. Ano bang kaguluhan ito?” sabi nito habang nakaismid at mabilis ang pagpapaypay ng iba pang lola sa loob ng villa.
Tumikhim si Joe. “Uhm, ‘La, puwede ho bang kami-kami lang muna ang mag-usap dito?”
“Halina na nga muna kayo at hayaan natin silang magkaliwanagan,” yakag ni Donya Senyang sa mga matatandang babae. Palibhasa a
