Chapter 44
Ngayon ang araw na nakatakda niyang paglabas sa ospital matapos siyang i-clear ng kaniyang doktor. Lihim siyang nasisiyahan dahil may kulang dalawang linggo na rin siya roon. Nagsasawa na siya sa amoy ng hospital. Amoy-disinfectant kasi roon. Nasanay siyang ang bango ng mga pagkaing niluluto niya ang naaamoy niya kaya nawi-weirdo-han siya sa amoy ng ospital. Sa wakas ay lalabas na siya sa ospital at puwede na siyang makatulog nang mahimbing sa bahay niya.
Nakausap na niya si Boss Art. Pinabigyan naman siya nito ng isang buwan pang palugit bago muling bumalik sa kaniyang trabaho. Nauunawaan nito dahil hindi biro ang aksidenteng kaniyang kinasangkutan lately. Pinag-iingat lamang siya nito at binilin pang magpagaling siya nang husto at sulitin ang nalalabi pa niyang bakas
