Chapter 43
Magkasamang dumalaw sa hospital ang kaniyang dalawang kaibigan na sina Janiel at Scarlet. Naiinip na si Ayesha sa ospital, dalawang araw na ang nakakalipas mula nang magkamalay siya matapos mangyari ang pananambang na iyon sa kaniya.
“Kamusta na pakiramdam mo, Aye?” ani Janiel bakas ang matinding pag-aalala nito sa kaniya.
“Okay lang ako, Jan. Thank you nga pala sa tulong mo, kung hindi dahil sa ‘yo baka pinaglalamayan n’yo na ako ngayon.”
“No, don’t say that! Walang mamamatay sa ating tatlo. Okay?” sabi naman ni Scarlet.
“Ang kulit mo kasi, sabi ng isama mo si Maria eh.” Sermon ni Janiel sa kaibigan. Mabuti na lamang talaga at hindi siya nagpanic noong tawagan siya ni Ayesha at humingi ito ng tulong sa kaniya. Nagawa niya agad tumawag sa pulis gayon
