Maaga akong nagising ngayon para magluto ng breakfast, naisip ko na kung kahapon ay pinagbake ko ng cupcakes si Troye ngayon naman ay ipagluluto ko siya. Ayaw niya pa nga na kainin 'yong cupcakes dahil bigay ko raw iyon pero sinabi ko na magbebake na lang ulit ako para sa kanya.
"Wow! Anong meron? Bakit ikaw ang nagluluto jan?"
Kagigising lang ni Mama.
Ngumiti ako. "Gusto ko po kasing ipagluto si Troye."
"Zira! Oo, boto ako kay Troye pero wala munang asawahan, ah?"
Humagalpak naman ako sa tawa. "Siyempre naman, Ma! Ang babata pa namin."
"Mabuti na 'yong nagkakaintindihan tayo."
Napailing na lang ako. Matapos kong magluto ay nagpahinga lang ako saglit tapos ay nag-asikaso na rin ako ng sarili.
"Zira, nandyan na si Troye."
Tinignan ko ulit ang itsura ko sa salamin bago bum
