Medyo tinanghali ako ng gising ngayon dahil sa napuyat talaga ako nang husto kagabi. Naayos ko na ang sarili ko. Tinext ko na rin si Troye na sa cafeteria na lang kami kumain. Papunta ako kay Mama para magpaalam, malapit na 'ko sa dining room nang marinig ko na parang may kausap si Mama.
"Kanina ka pa nandito?"
Gulat na tanong ko nang makitang si Troye ang nagluluto.
He smiled. "Good morning."
"Magaling palang magluto itong si Troye, Zira."
Natutuwang sabi ni Mama.
Lumapit ako sa likod ni Troye para silipin ang niluluto niya.
"Ang bango, mukhang masarap 'yan."
Humarap siya sa akin at hinalikan ang noo ko. Hindi ko naman napigilan na hindi mangiti.
"Mamaya na ang harutan at baka malate pa kayong dalawa," si Mama.
Natawa naman ako tsaka lumayo na kay Troye. Panay ang papur
