Pagtalikod niya sa pamilya ng kanyang asawa, parang nawalan ng lakas ang kanyang tuhod, bahagya ding nanginginig ang kanyang buong katawan kaya nagmadali siya na magtungo sa kanilang silid. Pigil na pigil ang kanyang emosyon sa harap ng mga magulang ng kanyang asawa.
Ayaw niyang magpakita ng kahinaan sa mga ito, ayaw din niyang ipakita sa mga ito na umiiyak siya kaya naman ngayon pagpihit niya ng door knob sa silid nilang dalawa ni Sergio ay halos manginig ang kanyang kamay.
Para bang walang lakas iyon pero kailangan niyang tibayan ang pagkakahawak para mabuksan ang pinto at sa wakas nabuksan naman niya iyon tsaka siya pumasok sa kanyang silid.
Pero kakasara lang niya ng pinto ng silid ay narinig niya ang pagkalampag ng gate sa labas.
"Samaya! Asawa ko!"
Narinig niyang sigaw ng ku
