IRON'S POV
The Elysium.
Iyan ang pangalan ng isla na pupuntahan namin. Masyadong high-class ang pangalan na bumabagay naman sa lugar na destinasyon namin—iyon ang sabi nila.
"Iron, mauna na akong bumaba ha? Kukuha lang ako ng picture. Bumaba ka na lang kapag kailangan mo ko," nginitian ako ni Lantern at naglakad na siya pababa.
Tumayo ako ng bahagya at sinilip ang paligid. Mukhang one-fourth na lang ng laman ng bus na 'to ang natitira ngayon. Wala na rin ang mga tao na nasa likod ko kanina na maingay, bumaba na rin. Pinagmasdan ko ang paligid at yung ibang estudyante na nasa loob, inaayos pa ang sarili nila.
Kumbaga sa eroplano, kala-landing lang namin. Maayos na nakahilera ang mga bus sa isang kanto sa tapat kung saan may mga kotse rin. Dito yata ang 'parking lot' ng lugar. Tapos
